இஸ்லாத்தில் தெரிந்து கொள்ளவேண்டியது ! ! !

கேள்வி :- நபி (ஸல்) அவர்கள் பிறந்த கிழமை எது ?
பதில் :- திங்கள் ஆதாரம் புஹாரி முஸ்லிம் 1977

கேள்வி :- நபி (ஸல்) அவர்களின் தந்தை பெயர் என்ன ?
பதில் :- அப்துல்லாஹ்.,

கேள்வி :- நபி (ஸல்) அவர்களின் தாயார் பெயர் என்ன ?
பதில் :- ஆமினா.,

கேள்வி :- நபி (ஸல்) அவர்களின் தாயார் எப்போது இறந்தார்கள் ?
பதில் :- நபி (ஸல்) அவர்கள் ஆறு வயதை அடைந்த போது.,

கேள்வி :- நபி (ஸல்) அவர்களை வளர்க்கும் பொறுப்பை ஏற்றுக் கொண்டவர்கள் யார் ?
பதில் :- அபூதாலிப்.,

கேள்வி :- நபி (ஸல்) அவர்களை வளர்த்த பெண்மணி யார் ?
பதில் :- உம்மு ஐமன் (ரலி) ஆதாரம் புஹாரி 3737

கேள்வி :- நபி (ஸல்) அவர்களுக்கு பாலுட்டியவர்கள் யார் ? யார் ?

பதில் :- 1. ஹலீமா அஸ்ஸஃதிய்யா, 2. ஸுவைபா ஆதாரம் புஹாரி 5101

கேள்வி :- இவ்விருவரில் இஸ்லாத்தை தழுவியவர் யார் ?
பதில் :- ஹலீமா அஸ்ஸஃதிய்யா.,

கேள்வி :- நபி (ஸல்) அவர்கள் சிறு வயதில் என்ன வேலை செய்தார்கள் ?
பதில் :- ஆடு மேய்த்தல் ஆதராம் புஹாரி 3406.

கேள்வி : நபி (ஸல்) அவர்களின் முதல் மனைவியின் பெயர் என்ன ?
பதில் : கதீஜா (ரலி) ஆதாரம் புஹாரி 3816

கேள்வி : நபி (ஸல்) அவர்கள் தமது எத்தனையாவது வயதில் கதீஜா (ரலி) அவர்களை திருமணம் முடித்தார்கள் ? அப்போது கதீஜா (ரலி) அவர்களின் வயது என்ன ?
பதில் : நபி (ஸல்) அவர்களின் வயது 25, கதீஜா (ரலி) அவர்களின் வயது 40.

கேள்வி : நபி (ஸல்) அவர்கள் கதீஜா (ரலி) அவர்களை திருமணம் முடித்த போது அவர்கள் கன்னியா இருந்தார்களா ? விதவையா இருந்தார்களா ?
பதில் : விதவை.,

கேள்வி : கதீஜா (ரலி) அவர்களுக்கு அன்றைய காலத்தில் இருந்த பட்ட பெயர் என்ன ?
பதில் : தாஹிரா பரிசுத்தமானவள் ஆதாரம் தாரிக் திமிக்ஸ் பக்கம் 109.

கேள்வி : நபி (ஸல்) அவர்கள் தம் மனைவியர்களில் அதிகம் நேசித்த மனைவி யார் ?
பதில் : கதீஜா (ரலி), ஆதாரம் புஹாரி 3818.

கேள்வி : நபி (ஸல்) அவர்களூக்கு யார் யார் மூலம் குழந்தை பிறந்தது ?
பதில் : அன்னை கதீஜா (ரலி), மாரியத்துல் கிப்திய்யா (ரலி) ஆதாரம் புஹாரி 3818,1303, தாரகுத்னீ பாகம் 4, பக்கம் 132.

கேள்வி : மாரியத்துல் கிப்திய்யா (ரலி) அவர்கள் மூலம் நபி (ஸல்) அவர்களுக்கு பிறந்த குழந்தையின் பெயர் என்ன ?
பதில் : இப்ராஹீம் ஆதாரம் புஹாரி 1303.

கேள்வி : நபி (ஸல்) அவர்கள் குழந்தை எத்தனை வயதில் இறந்தது ?
பதில் : 16 மாதம் ஆதாரம் அபூதாவூத் 2772.

கேள்வி : நபி (ஸல்) அவர்களின் மகன் இப்ராஹீம் அவர்கள் இறந்த போது நடந்த முக்கிய நிகழ்ச்சி என்ன ?
பதில் : சூரியகிரகணம் ஏற்பட்டது ஆதாரம் புஹாரி 1043.

கேள்வி : நபி (ஸல்) அவர்களின் பெண் குழந்தைகள் பெயர்கள் என்ன ?

பதில் : ஜைனப் (ரலி), ருகைய்யா (ரலி), உம்மு குல்ஸும் (ரலி), பாத்திமா (ரலி) ஆதாரம் புஹாரி 516, 5842, 357 அஹ்மத் 525.

கேள்வி : ஜைனப் (ரலி) அவர்களின் கணவர் பெயர் என்ன ?
பதில் : அபுல் ஆஸ் பின் ரபீவு. ஆதாரம் திர்மிதீ 1062.

கேள்வி : ருகைய்யா (ரலி), உம்மு குல்ஸும் (ரலி) ஆகியோரின் கணவர் பெயர் என்ன ?
பதில் : உஸ்மான் (ரலி).

கேள்வி : பாத்திமா (ரலி) அவர்களின் கணவர் பெயர் என்ன ?
பதில் : அலீ (ரலி) ஆதாரம் புஹாரி 441

கேள்வி : அலீ (ரலி) அவர்கள், நபி (ஸல்) அவர்களுக்கு என்ன உறவு ?
பதில் : நபி (ஸல்) அவர்களின் பெரிய தந்தை அபூதாலிப் அவர்களின் மகன் அலீ (ரலி) அவர்கள் ஆதாரம் புஹாரி 441.

கேள்வி : நபி (ஸல்) அவர்களின் குழந்தைகளில் இறுதியாக இறந்தவர் யார் ?
பதில் : பாத்திமா (ரலி), நபி (ஸல்) அவர்கள் இறந்து ஆறு மாதம் கழித்து இறந்தார்கள் ஆதாரம் புஹாரி 3093.

கேள்வி : நபி (ஸல்) அவர்களுக்கு வஹீ வருவதின் துவக்கம் எவ்வாறு இருந்தது ?
பதில் : நல்ல கனவுகளாக வந்தன. ஆதாரம் புஹாரி 4.

கேள்வி : நல்ல கனவுகளைப் பற்றி நபி (ஸல்) அவர்கள் கூறிய விளக்கம் என்ன ?
பதில் : நபித்துவத்தில் நாற்பதி ஆறில் ஒரு பகுதி என்று விளக்கம் அளித்தார்கள். ஆதாரம் புஹாரி 6983

கேள்வி : நபி (ஸல்) அவர்களுக்கு இறைச் செய்தி வருவதற்கு முன்னர் அவர்கள் எங்கு தியானம் செய்தார்கள்.
பதில் : மக்காவிலுள்ள ஹிரா எனும் குகையில் ஆதாரம் : புஹாரி 4.

கேள்வி : நபி (ஸல்) அவர்களுக்கு எத்தனையாவது வயதில் இறைச் செய்தி வந்தது ?
பதில் : நாற்பதாவது வயதில்,

கேள்வி : நபி (ஸல்) அவர்களுக்கு முதன் முதலில் இறங்கிய வசனங்கள் எவை ? எவை ?
பதில் : திருக்குர்ஆனின் 96 அத்தியாயத்தின் முதல் ஐந்து வசனங்கள். ஆதாரம் : புஹாரி 4.

கேள்வி : நபி (ஸல்) அவர்களுக்கு இறைச் செய்தியை கொண்டு வந்தவர் யார் ?
பதில் : ஜிப்ரீல் (அலை).

கேள்வி : முதல் வஹீ வந்த போது பயந்த நபி (ஸல்) அவர்களுக்கு ஆறதல் கூறியவர் யார் ?
பதில் : நபி (ஸல்) அவர்களின் மனைவி அன்னை கதீஜா (ரலி) ஆதாரம் : புஹாரி 4.

கேள்வி : நபி (ஸல்) அவர்கள் இறைதுதராக்கப் பட்டுள்ளார்கள் என்று உறுதிபடுத்தியவர் யார் ?
பதில் : வரக்கா பின் நவ்ஃபல் அவர்கள்.,
ஆதாரம் புஹாரி 4.

கேள்வி : வரக்கா பின் நவ்ஃபல் என்பவர் யார் ?
பதில் : அறியாமை காலத்தில் கிறிஸ்தவராக இருந்தவர், இப்ரானி மொழியை எழுது படிக்கத் தெரிந்தவர், இஞ்சீலை இப்ரானி மொழியில் மொழிபெயர்த்துக் கொண்டிருந்த வயதான கண் தெரியாத முதியவர். ஆதாரம் : புஹாரி 4.

கேள்வி : வரக்கா பின் நவ்ஃபல் அவர்களுக்கும் அன்னை கதீஜா (ரலி) அவர்களுக்கும் என்ன உறவு ?
பதில் : அன்னை கதீஜா (ரலி) அவர்களின் தந்தையின் உடன் பிறந்தவரின் மகன் வரக்கா பின் நவ்ஃபல் ஆவார். ஆதாரம் : புஹாரி 4.

கேள்வி : ஜிப்ரீலை (அலை) அவர்களை என்ன பெயரிட்டு வரக்கா பின் நவ்ஃபல் அவர்கள் குறிப்பிட்டார்கள்.
பதில் : நாமூஸ் , ஆதாரம் : புஹாரி 4.

கேள்வி : இறைத் தூதர்களுக்கு அவர்களின் சமூத்தார் என்ன செய்வார்கள் என்று வரக்கா அவர்கள் குறிப்பிட்டார்கள்.
பதில் : ஊரை விட்டு விரட்டுவார்கள். ஆதாரம் புஹாரி 4

கேள்வி : நபி (ஸல்) அவர்களுக்கு முதல் வஹீ வந்த பிறகு தொடர்ந்து வஹீ வந்ததா ?
பதில் : இல்லை. சிறிது காலம் நின்றது.,

கேள்வி : முதன் முதலில் இஸ்லாத்தை ஏற்றவர்கள் யார் ? யார் ?
பதில் : வரக்கா பின் நவ்ஃபல் (ரலி), அன்னை கதீஜா (ரலி), அபூபக்ர் (ரலி), அலீ (ரலி), ஸைத் பின் ஹாரிஸா (ரலி), அம்மார் (ரலி), சுமைய்யா (ரலி), ஸுஹைப் (ரலி), பிலால் (ரலி), மிக்தாம் (ரலி),
ஆதாரம் : இப்னுமாஜா 147 .

கேள்வி : ஆரம்பத்தில் இஸ்லாத்தை ஏற்றவர்களை இணைவைப்பவர்கள் என்ன வேதனை கொடுத்தனர் ?
பதில் : இரும்புச் சட்டைகள் அணிவித்து வெயிலில் வாட்டினார்கள். ஆதாரம் : இப்னுமாஜா 147.

கேள்வி : பிலால் (ரலி) அவர்களுக்கு இணை வைப்பாளர்கள் என்ன தண்டனை கொடுத்தார்கள் ?
பதில் : சிறுவர்களிடம் அவர்களை கொடுத்து மக்கா வீதிகளில் இழுத்து சொல்லப்படார்கள். அப்போதும் அல்லாஹ் ஒருவனே என்று கூறிக் கொண்டிருந்தார்கள் பிலால் (ரலி),
ஆதாரம் : இப்னுமாஜா 147.

கேள்வி : முஹம்மதே ! உமது நெருங்கிய உறவினர்களுக்கு எச்சரிக்கை செய்வீராக! 26 : 214 வசனம் இறங்கிய போது நபி (ஸல்) அவர்கள் குறிப்பாக யாரிடம் போய் ஓரிறைக் கொள்கை கூறினார்கள் ?
பதில் : தமது சிறிய தந்தை அப்பாஸ் (ரலி), மாமி ஸபிய்யா (ரலி), மகள் பாத்திமா (ரலி),
ஆதாரம் : புகாரீ 2753.

கேள்வி : அவர்களிடம் என்ன கூறினார்கள் ?
பதில் : உங்களை அல்லாஹ்விடமிருந்து விலைக்கு வாங்கிக் கொள்ளுங்கள் ! நான் உங்களுக்கு அல்லாஹ்விடமிருந்து எதையும் வாங்கித் தரமுடியாது தண்டையிலிருந்த காப்பாற்ற முடியாது என் செல்வத்திலிருந்து நீங்கள் விரும்பியதைக் கேளுங்கள் நான் அதைத் தருகிறேன் என்று கூறினார்கள்.
ஆதாரம் : புஹாரி 3527.

சித்திக்கா ஹைதர்