முஸ்லிம் நாடுகளிலிருந்து வருவபவர்கள் தீவிரவாதத்தை பரப்பிவருகின்றனர் – BBS

தீவி­ர­வா­தி­களின் ஆதிக்கம் நிறைந்­துள்ள ஆப்­கா­னிஸ்தான், பாகிஸ்தான், பங்­க­ளாதேஷ் ஆகிய நாடுகள் உட்­பட பல முஸ்லிம் நாடு­க­ளி­லி­ருந்து சுற்­றுலா விசாவில் வந்து சுமார் இரண்டு இலட்சம் பேர் இலங்­கையில் தங்கி தீவி­ர­வா­தத்தைப் போதித்து வரு­கின்­றார்கள்.

இந்­நி­லை­மையைத் தவிர்ப்­ப­தற்­காக குடி­வ­ரவு, குடி­ய­கல்வு சட்­டத்தில் திருத்­தங்­களைச் செய்ய வேண்­டு­மென பொது­ப­ல­சேனா அமைப்பு அர­சாங்­கத்தைக் கோரி­யுள்­ளது.

பொது­ப­ல­சேனா அமைப்பு இச்­சட்­டத்தில் திருத்­தங்கள் மேற்கொள்வது தொடர்­பாக அழுத்­தங்­களை பிர­யோ­கிப்பதற்காக இன்று செவ்­வாய்க்­கி­ழமை பத்­த­ர­முல்­லையில் அமைந்­துள்ள குடி­வ­ரவு, குடி­ய­கல்வு திணைக்­க­ளத்தில் குடி­வ­ரவு, குடி­ய­கல்வு கட்­டுப்­பாட்­டா­ளர் எம்.எம்.ரணசிங்கவைச் சந்­திக்­க­வுள்­ளது.

இன்று காலை 9.30 மணிக்கு பொது­ப­ல­சேனா அமைப்பின் பொதுச் செய­லாளர் கல­கொட அத்தே ஞான­சார தேரர் தலை­மையில் 10 தேரர்கள் இச் சந்­திப்பில் கலந்­து­கொள்­ள­வுள்­ளனர்.

இது தொடர்­பாக பொது­ப­ல­சேனா அமைப்பின் செய­லாளர் ஞான­சார தேரர் கருத்து தெரி­விக்­கையில், 
தீவி­ர­வா­தி­களின் ஆதிக்­கத்­தி­லி­ருக்கும் முஸ்லிம் நாடு­க­ளி­லி­ருந்து சுற்­றுலா விசா­விலும் மற்றும் மார்க்க போத­னை­க­ளுக்­காக என்று கூறி இலங்­கைக்கு தினமும் முஸ்­லிம்கள் வரு­கின்­றார்கள்.

இவ்­வாறு வரு­ப­வர்கள் தமது சுற்­றுலா விசா காலா­வ­தி­யான பின்பும் நாட்டில் தங்­கி­யி­ருந்து மார்க்­கப்­போ­தனை என்ற பெயரில் தீவி­ர­வா­தத்தை போதித்து வரு­கி­றார்கள். இவ்­வா­றா­ன­வர்கள் இவ்­வாறு சட்­ட­ரீ­தி­யாக தங்­கு­வதை தடை செய்யும் வகையில் எமது குடி­வ­ரவு, குடி­ய­கல்வு சட்­டத்தில் திருத்­தங்கள் கொண்­டு­வ­ரப்­பட வேண்டும்.

சுற்­றுலா விசா வழங்கும் நடை­மு­றை­யிலும் சில விதிகள் பின்­பற்­றப்­பட வேண்டும். வெளி­நாட்­டி­லி­ருந்து சுற்­றுலா விசாவில் வரு­கை­தரும் கிறிஸ்­தவ போத­கர்­களும் இலங்­கையில் சட்­ட­வி­ரோ­த­மாகத் தங்­கி­யி­ருந்து எம்­ம­வர்­களை மத­மாற்றம் செய்­கி­றார்கள். இவ்­வா­றான சட்­ட­வி­ரோத நட­வ­டிக்­கை­களை தவிர்ப்­ப­தற்­காக நாட்டின் குடி­வ­ரவு, குடி­ய­கல்வு சட்­டத்தில் சில திருத்­தங்கள் மேற்­கொள்­ளப்­பட வேண்டும். சட்­டத்தில் தாம­த­மில்­லாமல் திருத்­தங்­களைச் செய்­ய­வேண்­டி­யது அவ­சி­யமா­க­வுள்­ளது.

அமெ­ரிக்­காவின் புதிய ஜனா­தி­ப­தி­யாக பதவியேற்றுள்ள ட்ரம்ப் 7 முஸ்லிம் நாட்­ட­வர்­கள் அமெ­ரிக்­கா­வினுள் பிர­வே­சிப்­பதை தடை­செய்­துள்ளார். குவைத் நாடும் சில நாட்­ட­வர்­க­ளுக்கு சட்­டத்தை கடு­மை­யாக்­கி­யுள்­ளது.

இலங்­கைக்கு சுற்­றுலா விசாவில் வரு­ப­வர்­களை தடை­செய்ய வேண்­டு­மென நாம் கூற­வில்லை. குடி­வ­ரவு, குடி­ய­கல்வு சட்­டத்தில் திருத்­தங்­களை செய்­ய­வேண்­டு­மென்றே நாம் கோருகிறோம் என்றார்.