முஸ்லிம் கூட்டமைப்பு உருவாக்க முஸ்தீபு

முன்னாள் மு.கா. செயலாளர் ஹசன் அலி மும்முரம்

வடக்கு, கிழக்கில் வாழும் முஸ்லிம் மக்­களின் பிரச்­சி­னை­களை மைய­மாகக் கொண்டு அவற்­றுக்­கான தீர்­வு­களை வலி­யு­றுத்தும் ஓர் அர­சியல் கட்­ட­மைப்பு முஸ்லிம் கூட்­ட­மைப்பு என்ற பெயரில் உரு­வாக்­கப்­ப­ட­வுள்­ள­தா­கவும் அதற்­கான முயற்­சி­களில் ஈடு­பட்­டுள்­ள­தா­கவும் ஸ்ரீ லங்கா முஸ்லிம் காங்­கி­ரஸின் முன்னாள் செய­லாளர் நாயகம் எம்.ரி. ஹசன் அலி தெரி­வித்தார்.

இதற்­கென முன்னாள் அமைச்சர் அதா­வுல்­லாவின் தலை­மை­யி­லான தேசிய காங்­கிரஸ், அகில இலங்கை மக்கள் காங்­கிரஸ் மற்றும் 
நல்­லாட்­சிக்­கான தேசிய முன்­னணி ஆகிய அர­சியல் கட்­சி­க­ளுடன் பேச்­சு­வார்த்­தைகள் நடத்­தி­யுள்­ள­தா­கவும் கொள்­கை­ய­ளவில் இணக்­கப்­பாடு எட்­டப்­பட்­டுள்­ள­தா­கவும் அவர் கூறினார்.

இது தொடர்பில் எம்.ரி. ஹசன் அலி தொடர்ந்தும் கருத்துத் தெரி­விக்­கையில்;
அர­சாங்கம் வடக்கு, கிழக்கு மாகா­ணங்­களின் இனப்­பி­ரச்­சி­னை­யினை தீர்ப்­ப­தற்­கான தீர்வுத் திட்­ட­மொன்­றினை முன்­வைக்­க­வுள்ள நிலையில் முஸ்லிம் தரப்பு தமது அழுத்­தங்­க­ளையும் பிர­யோ­கிக்க வேண்­டி­யுள்­ளது. தமி­ழர்­களின் உரிமைப் போராட்­டத்தில் தமிழ்த் தேசியக் கூட்­ட­மைப்பு எவ்­வாறு தாக்கம் செலுத்­து­கின்­றதோ அவ்­வாறு செயற்­ப­டு­வ­தற்கு முஸ்லிம் தரப்பில் ஓர் அர­சியல் கட்­ட­மைப்பு தேவை. இதனை மைய­மாகக் கொண்டே முஸ்லிம் அர­சியல் கூட்­ட­மைப்பு உரு­வாக்­கப்­ப­ட­வுள்­ளது. 

உரு­வாக்­கப்­ப­ட­வுள்ள முஸ்லிம் கூட்­ட­மைப்பு உள்­ளூ­ராட்சி, மாகாண சபை மற்றும் பொதுத் தேர்­தல்­களில் வட கிழக்கை மைய­மாகக் கொண்டு போட்­டி­யிடும்.

இக்­கூட்­ட­மைப்பை முஸ்­லிம்கள் பிர­தே­ச­வாத அர­சியல் அமைப்­பாக நோக்கக் கூடாது. வட கிழக்­கிலே முஸ்­லிம்கள் காணிப் பிரச்­சினை உட்­பட பல பிரச்­சி­னை­களை எதிர்­நோக்­கி­யி­ருக்­கி­றார்கள். கிழக்கில் மிகவும் செறி­வான சனத் தொகைப் பரம்­பலைக் கொண்­டுள்­ளார்கள்.

கிழக்கு மாகா­ணத்தில் முஸ்லிம் சமூகம் எதிர்­நோக்­கி­யுள்ள பிரச்­சி­னை­களை முன்­வைத்து தனி­யான ஓர் அர­சியல் அலகு தேவை என அப்­ப­குதி புத்­தி­ஜீ­விகள் அழுத்­தங்­களைப் பிர­யோ­கித்­ததன் கார­ண­மா­கவே இக்­கூட்­ட­மைப்பு உரு­வாக்­கப்­ப­ட­வுள்­ளது.

வட­கி­ழக்கு மாகாண முஸ்லிம் பிரச்­சி­னை­க­ளுக்­காக உரு­வாக்­கப்­படும் முஸ்லிம் கூட்­ட­மைப்பு எதிர்­கா­லத்தில் தேசிய ரீதியில் தம்மை விரிவுபடுத்தும் நிலையும் ஏற்படலாம். நாட்டில் முஸ்லிம்களுக்கு எதிராக மேற்கொள்ளப்பட்டு வரும் நடவடிக்கைகளுக்கு எதிராகவும் தீர்வுகளை நோக்கியும் முஸ்லிம் கூட்டமைப்பு குரல் கொடுக்கும் என்றார்.