உள்ளூராட்சி எல்லை நிர்ணயத்தில் முஸ்லிம்களுக்கு அநீதி

சு.க.முஸ்லிம் பிரிவு ஜனாதிபதியிடம் முறைப்பாடு

உள்­ளூ­ராட்சி மன்­றங்­களின் எல்லை நிர்­ண­யங்­களில் முஸ்லிம் சமூ­கத்­துக்கு அநீதி இழைக்­கப்­பட்­டுள்­ளது எனவும் முஸ்லிம் பிர­தி­நி­தித்­து­வத்தை இல்­லாமற் செய்­வ­தற்கு திட்­டு­மிட்டு எல்­லைகள் நிர்­ண­யிக்­கப்­பட்­டுள்­ள­தா­கவும் ஸ்ரீ லங்கா முஸ்லிம் சம்­மே­ளனம் ஜனா­தி­பதி மைத்­தி­ரி­பால சிறி­சே­ன­விடம் முறைப்­பாடு செய்­ய­வுள்­ளது. 

 

இத் தீர்மானம் நேற்று முன்­தினம் மாலை கொழும்­பி­லுள்ள ஸ்ரீலங்கா சுதந்­திரக் கட்­சியின் தலை­மை­ய­கத்தில் ஸ்ரீலங்கா சுதந்­திரக் கட்­சியின் உப தலை­வரும் ஸ்ரீலங்கா முஸ்லிம் சம்­மே­ள­னத்தின் தலை­வரும் தேசிய ஒரு­மைப்­பாடு மற்றும் நல்­லி­ணக்க இரா­ஜாங்க அமைச்­ச­ரு­மான ஏ.எச்.எம். பௌஸியின் தலை­மையில் நடை­பெற்ற கூட்­டத்தில் நிறை­வேற்­றப்­பட்­டது. 

 

நாட்டின் அனைத்துப் பிர­தே­சங்­க­ளி­லு­மி­ருந்து ஸ்ரீலங்கா சுதந்­திரக் கட்­சியின் முன்னாள் உள்­ளூ­ராட்சி மன்­றங்­களின் உறுப்­பி­னர்கள் கலந்­து­கொண்­டி­ருந்­தனர். கூட்­டத்தில் உள்­ளூ­ராட்சி மன்­றங்­களின் புதிய எல்­லைகள் நிர்­ணயம், புதிய தேர்தல் முறை­மை­பற்றி ஸ்ரீலங்கா சுதந்­திரக் கட்­சியின் முஸ்லிம் சம்மேளன பிர­தி­நி­திகள் தமது எதிர்ப்­பு­களை வெளி­யிட்­டனர். கண்டிப் பகு­தி­யி­லி­ருந்து சமு­க­ம­ளித்­தி­ருந்த உள்­ளூ­ராட்சி மன்­றங்­களின் பிர­தி­நி­திகள் புதிய தேர்தல் முறைமை மற்றும் புதிய எல்­லைகள் நிர்­ணயம் பற்றி விமர்­சித்­தார்கள். முஸ்­லிம்­களின் பிர­தி­நி­தித்­து­வத்தை இல்­லாமற் செய்யும் வகையில் எல்­லைகள் வகுக்­கப்­பட்­டுள்­ள­தா­கவும் இது தொடர்பில் மாகாண சபைகள் மற்றும் உள்­ளூ­ராட்சி அமைச்சர் பைசர் முஸ்­த­பா­விடம் முறை­யிட்ட போது அவர் வழக்கு தாக்கல் செய்­யு­மாறு தெரி­வித்­துள்­ள­தா­கவும் முறை­யிட்­டனர். 

 

கடந்த காலங்­களில் உள்­ளூ­ராட்சி மன்­றங்­களில் ஸ்ரீலங்கா சுதந்­திரக் கட்­சியின் சார்பில் 125 பேர் பிர­நி­தி­தித்­துவம் பெற்­றி­ருந்­தனர். ஆனால் எதிர்­வரும் தேர்­தல்­களில் இந்த எண்­ணிக்கை 60 ஆக குறையும் வாய்ப்பு ஏற்­பட்­டுள்­ள­தாகத் தெரி­வித்­தனர். 

 

கூட்­டத்­துக்கு ஸ்ரீ லங்கா சுதந்­திரக் கட்­சியின் பொதுச் செய­லாளர் அமைச்சர் துமிந்த திசா நாயக்­கா­வுக்கு அழைப்பு விடுக்­கப்­பட்­டி­ருந்தும் அவர் சமு­க­ம­ளிக்­கா­மைக்கு கூட்­டத்தில் பலத்த எதிர்ப்பு தெரி­விக்­கப்­பட்­டது. உள்­ளூ­ராட்சி மன்­றங்­களின் சு.க. முன்னாள் உறுப்­பி­னர்கள் கட்சியின் செய­லா­ள­ரிடம் கைய­ளிப்­ப­தற்கு மக­ஜர்கள் கொண்டு வந்த போதிலும் அவர் வருகை தரா­மையால் ஏமாற்­ற­ம­டைந்­தனர். 

 

கூட்­டத்­துக்கு தலை­மை­வ­கித்த இரா­ஜாங்க அமைச்சர் ஏ.எச்.எம்.பௌஸி ஜனா­தி­ப­தி­யு­டா­னான சந்­திப்­புக்கு ஏற்­பாடு செய்­வ­தாக உறு­தி­ய­ளித்தார். இத­ன­டிப்­ப­டையில் ஸ்ரீ லங்கா முஸ்லிம் சம்­மே­ள­னத்தின் பிர­தி­நி­திகள் சம்­மே­ள­னத்தின் தலைவர் அமைச்சர் பௌஸியின் தலை­மையில் விரைவில் ஜனா­தி­ப­தியைச் சந்­திக்­க­வுள்­ளனர். 

 

இதே­வேளை, ஸ்ரீ லங்கா முஸ்லிம் சம்­மே­ளனம் அனைத்து மாவட்­டங்­க­ளுக்கும் புதி­தாக அமைப்­பா­ளர்­களை நிய­மிக்­க­வுள்­ளது. அதன்­பின்பு, கொழும்பில் மாநாடு ஒன்­றி­னையும் நடத்தவுள்ளது. 

 

நிகழ்வில் இராஜாங்க அமைச்சர் எம்.எல்.ஏ.எம்.ஹிஸ்புல்லாஹ், வன்னி மாவட்ட பாராளுமன்ற உறுப்பினர் மஸ்தான் காதர், வடமாகாண அளுநர் ரெஜினோல்ட் குரே, முன்னாள் அமைச்சர் அதாவுத செனவிரத்ன, கிழக்கு மாகாண சபையின் முன்னாள் முதலமைச்சர் நஜீப் ஏ.மஜீத் ஆகியோரும் கலந்து கொண்டிருந்தனர்.