கேரள யுவதி இஸ்லாத்தை ஏற்றார்

புதிய மார்க்கத்தை பின்பற்ற பெற்றோரும் அனுமதி

மூன்று வாரங்­க­ளுக்கு முன்னர் படிப்­ப­தற்­காக வெளியில் சென்ற ஆயிஷா, என அழைக்­கப்­படும் அதிரா இஸ்­லாத்தை ஏற்­றுக்­கொண்டார். ஆயிஷா தான் விரும்பி ஏற்ற மார்க்­கத்தை பின்­பற்­று­வ­தற்கு தடை ஏற்­ப­டுத்­தப்­ப­ட­மாட்­டாது என அவ­ரது இந்து மத பெற்­றோரால் கடந்த திங்கட்கிழமை நீதி­மன்­றத்தில் உறுதிமொழி அளிக்­கப்­பட்­ட­தை­ய­டுத்து அவரை பெற்­றோ­ருடன் செல்­லு­மாறு மன்று அறி­வு­றுத்­தி­யது.

மேலும் ஆயிஷா இஸ்­லா­மிய கற்கை நெறி­யினைத் தொடர்­வ­தற்கு அனு­ம­தி­ய­ளிப்­ப­தா­கவும் அவ­ரது பெற்றோர் உறு­தி­ய­ளித்­ததைத் தொடர்ந்து அவர் தனது பெற்­றோ­ருடன் சென்றார். 

ஆயிஷா கடந்த 27 ஆம் திகதி கன்­னூ­ரி­லுள்ள பொலிஸ் நிலை­யத்தில் சர­ண­டைந்­ததைத் தொடர்ந்து ஹொஸ்டர்க் நீதி­மன்­றத்­தினால் மகளிர் இல்­லத்­திற்கு அனுப்பி வைக்­கப்­பட்டார். 

அவ­ரது பெற்றோர் தனது பிள்­ளையை தம்­மிடம் தரு­மாறு கோரி­ய­த­னை­ய­டுத்தே நீதி­மன்ற ஆணை வழங்­கப்­பட்­டது. 
தான் விரும்­பியே இஸ்­லாத்தை ஏற்­றுக்­கொண்­ட­தா­கவும் தனது கல்­வியைத் தொடர விரும்­பு­வ­தா­கவும் ஆயிஷா நீதி­மன்­றத்தில் தெரி­வித்தார்.  

ஆயி­ஷாவின் பெற்­றோரும் அவ­ரது விருப்­பத்­திற்கு அமை­வாக சமய அனுஷ்­டா­னங்­களில் ஈடு­ப­டு­வ­தற்கு எவ்­வித தடை­களும் ஏற்­ப­டுத்­தப்­ப­ட­மாட்­டாது என உறு­தி­ய­ளித்­தனர். 

எனினும் குறித்த சிறுமி ஐ.எஸ்.தீவி­ர­வாதக் கொள்­கை­களினால் கவ­ரப்­பட்­டி­ருக்கக் கூடும் என பொலிஸார் நீதி­மன்­றத்தில் சுட்டிக்காட்­டினர். 

ஆயிஷா கடந்த ஜூலை மாதம் 10 ஆம் திகதி கச­றாகோட் மாவட்­டத்தின் உடு­மா­வி­லுள்ள தனது இல்­லத்­தி­லி­ருந்து வெளி­யே­றி­யி­ருந்தார். வீட்­டை­விட்டுச் செல்­வ­தற்கு முன்­ன­தாக இஸ்­லாத்­தின்பால் தான் எவ்­வாறு ஈர்க்­கப்­பட்டேன் என்றும் இஸ்லாம் தொடர்­பான தனது அனு­ப­வங்­க­ளையும் 15 பக்­கங்கள் கொண்ட கடி­த­மொன்றில் எழுதி வைத்­தி­ருந்தார். 

வீட்­டை­விட்டு வெளி­யே­றிய பின்னர் தனது தாய்­வழி மாமா­வுடன் தொடர்பு கொண்ட ஆயிஷா பெற்றோர் வீட்டில் தன்னை நிம்­ம­தி­யாக இருக்க விட­மாட்­டார்கள் என அஞ்­சு­வ­தாக தெரி­வித்­தி­ருக்­கின்றார். 

கன்­னூ­ரி­லுள்ள பொலிஸ் நிலை­யத்தில் சர­ண­டைந்­ததன் பின்னர் உள்ளூர் ஊட­க­மொன்­றிற்கு கருத்துத் தெரி­வித்த ஆயிஷா, கன்­னூ­ரி­லுள்ள சினே­கிதி ஒரு­வ­ரது இல்­லத்தில் தான் தங்­கி­யி­ருப்­ப­தா­கவும், இஸ்­லாத்­தினை தொடர்ந்து பின்­பற்­று­வ­தற்கு தனது பெற்றோர் அனு­ம­திப்­பார்­க­ளாயின் அவர்­க­ளோடு செல்­வ­தற்குத் தயா­ராக இருப்­ப­தா­கவும் தெரி­வித்­தி­ருந்தார். எந்த வித வற்­பு­றுத்­த­லு­மின்றி தான் சுய­மா­கவே இஸ்­லாத்தைத் தழுவிக் கொண்­ட­தா­கவும் அவர் தெரி­வித்தார்.

'நான் ஐ.எஸ். அமைப்பில் இணைந்து கொள்­ளப்­போ­கிறேன் என பல குற்­றச்­சாட்­டுக்கள் முன்­வைக்­கப்­பட்­டுள்­ளன. நான் இது வரை எனது கட­வுச்­சீட்­டைக்­கூட பெற்­றுக்­கொள்­ள­வில்லை. என்னை ஐ.எஸ். அமைப்­புடன் தொடர்­பு­ப­டுத்திக் கதைப்­ப­தை­யிட்டு நான் கவ­லை­ய­டை­கின்றேன் ஐ.எஸ்.அமைப்­புடன் எனக்கு எவ்­வித தொடர்பும் கிடை­யாது. நான் எனது பெற்­றோரை நேசிக்­கின்றேன். என்னை அவர்கள் ஏற்றுக்கொண்டால் அவர்களுடன் வசிப்பதில் எனக்கு எவ்வித பிரச்சினையும் இல்லை. எனினும் நான் இஸ்லாத்தை கற்றுக்கொள்ள விரும்புகின்றேன். கடந்த பல ஆண்டுகளாக நான் இஸ்லாத்தைக் கற்று வருகின்றேன். முன்னர் அதனை பெற்றோர்கள் அங்கீகரித்துமிருந்தனர்' என அவர் மேலும் ஊடகங்களிடம் தெரிவித்தார்.

விடிவெள்ளி