கிந்­தோட்­டையை மறந்­து­விட்­டோமா?

காலி மாவட்­டத்தின் கிந்­தோட்டை பிர­தே­சத்தில் மூன்று மாதங்­க­ளுக்கு முன்னர் இடம்­பெற்ற வன்­மு­றைகள் தொடர்பில் பாதிக்­கப்­பட்ட மக்­களின் இழப்­பு­களை மதிப்­பீடு செய்து நஷ்­ட­யீட்டை வழங்­கு­வ­தற்­கான நட­வ­டிக்­கைகள் தாம­த­மா­கின்­றமை கவ­லைக்­கு­ரி­ய­தாகும்.

பாதிப்­புகள் சம்­பந்­த­மாக இது­வரை பொலிஸ் முறைப்­பா­டுகள் மாத்­தி­ரமே பொது மக்­க­ளி­ட­மி­ருந்து பெற்றுக் கொள்­ளப்­பட்­டுள்­ளன. மாறாக நஷ்­ட­யீட்டை வழங்கும் வகை­யி­லான மதிப்­பீட்டு பணிகள் ஆரம்­பிக்­கப்­ப­ட­வில்லை. சம்­பவம் நடந்து மூன்று வாரங்கள் தாண்­டி­விட்ட போதிலும் இது­வரை கிராம சேவகர் தமது வீடு­களின் பாதிப்­பு­களை பார்­வை­யி­டவோ சேதங்­களை மதிப்­பி­டவோ வருகை தர­வில்லை என மக்கள் குற்­றம்­சாட்­டு­கின்­றனர்.

தொழில்­நுட்ப உத்­தி­யோ­கத்­தர்கள் வேறு அலு­வல்­களில் ஈடு­பட்­டுள்­ளதால் அவர்­களைக் கொண்டு மதிப்­பீ­டு­களை மேற்­கொள்ள முடி­யா­துள்­ள­தா­கவும் அவர்­க­ளது பிர­சன்­ன­மின்றி தம்மால் மதிப்­பீடு செய்ய முடி­யாது என்றும் கிராம சேவ­கர்கள் காரணம் கூறு­கின்­றனர். இந் நிலையில் தொழில்­நுட்ப உத்­தி­யோ­கத்­தர்­களை அழைத்­து­வந்து நஷ்­ட­யீடு வழங்­கு­வ­தற்­கான பணி­களை துர­திப்­ப­டுத்த வேண்­டி­யது முஸ்லிம் அர­சியல் தலை­வர்­களின் கடப்­பா­டாகும்.

சம்­பவம் நடை­பெற்­ற­வுடன் நாங்­கள்தான் முதலில் சென்றோம் என ஆளுக்காள் மார்­தட்­டு­வதை விட பாதிக்­கப்­பட்ட மக்­க­ளுக்கு நீதியைப் பெற்றுக் கொடுக்க நட­வ­டிக்கை எடுக்க வேண்­டி­யதே அர­சியல் தலை­மை­களின் கடப்­பா­டாகும்.

தற்­போது உள்­ளூ­ராட்சி தேர்தல் தொடர்பில் அர­சியல் கட்­சிகள் மும்­மு­ர­மாக இருப்­பதால் கிந்­தோட்­டையை மறந்­து­விட்­டார்கள் என்­பதே நிதர்­ச­ன­மாகும். எனினும் தேர்­தல்­களை காரணம் காட்டி இந்த வன்­மு­றை­களால் மிகக் கடு­மை­யான பாதிப்­பு­களை எதிர்­கொண்­டுள்ள அப்­பாவி மக்­க­ளுக்கு நஷ்­ட­யீட்டைப் பெற்றுக் கொடுக்கும் கடப்­பாட்­டி­லி­ருந்து எவரும் தப்­பி­விட முடி­யாது.

என­வேதான் முஸ்லிம் அர­சி­யல்­வா­திகள் இது­வி­ட­யத்தில் உட­ன­டி­யாக தலை­யிட்டு தொழில்­நுட்ப அலு­வர்­க­ளையும் கிராம சேவ­கர்­க­ளையும் பயன்­ப­டுத்தி இழப்­பீ­டு­களை மதிப்­பீடு செய்­யவும் அதற்­கான நஷ்­ட­யீ­டு­களைப் பெற்றுக் கொடுக்­கவும் முன்­வர வேண்டும்.

பொது­வாக அரச இயந்­திரம் இவ்­வா­றான விட­யங்­களில் மெத்­தனப் போக்கை கடைப்­பி­டிப்­பது வழக்­க­மாகும். எனினும் கிந்­தோட்டை விட­யத்தில் பிர­தமர் நேரில் சென்று உத்­த­ர­விட்டும் நஷ்­ட­யீடு வழங்கும் நட­வ­டிக்­கைகள் தாம­த­மா­கு­வ­தாயின் இதன் பின்­ன­ணியில் ஏதேனும் அர­சியல் அழுத்­தங்கள் உள்­ள­னவா எனும் சந்­தே­கமும் எழு­வதைத் தவிர்க்க முடி­ய­வில்லை.

கடந்த அர­சாங்­கத்தின் ஆட்சிக் காலத்தில் அளுத்­கம வன்­மு­றைகள் இடம்­பெற்ற பின்னர் இரா­ணுவ வீரர்­களின் உத­வி­யுடன் பாதிப்­புகள் சீர்­செய்­யப்­பட்­டன. பள்­ளி­வா­சல்கள், வீடுகள் என்­பன முழு­மை­யாக பூர­ணப்­ப­டுத்திக் கொடுக்­கப்­பட்­டன. எனினும் அளுத்­கம சம்­ப­வத்தைப் பிர­சா­ரப்­ப­டுத்தி முஸ்­லிம்­களின் ஏகோ­பித்த ஆத­ர­வுடன் ஆட்­சிக்கு வந்த இந்த அர­சாங்­கத்தின் காலத்தில் கிந்­தோட்டை சம்­பவம் நடந்­தமை ஏற்றுக் கொள்ள முடி­யா­த­தாகும். அதிலும் நஷ்டயீடு வழங்குவதில் கூட தாமதங்கள் ஏற்படுத்தப்படுவது மிகவும் கவலை தருவதாகும்.

எனவேதான் சம்பந்தப்பட்ட அமைச்சர்களுக்கும் அதிகாரிகளுக்கும் அழுத்தங்களை வழங்கி பாதிக்கப்பட்ட கிந்தோட்டை மக்களுக்கு நஷ்டயீட்டைப் பெற்றுக் கொடுக்க வேண்டியது முஸ்லிம் அமைச்சர்கள், பாராளுமன்ற உறுப்பினர்களின் கடமை என்பதை வலியுறுத்த விரும்புகிறோம்.